WWW.VERY-OK.MOY.SU

avatorlar

very-ok — Fri, 22 Aug 2008 08:55:55 GMT

atirgul-go`zal onlar sovg`asi

"ШОҲОНА ОВҚАТ"

very-ok — Fri, 22 Aug 2008 07:04:49 GMT

Bu ovqatni tayyorlang va dasturxoningizga fayz kiriting.Shunga o`xshash taomlar pishirish sirlarini o`rganishni xohlasangiz forumdagi oshxona mavzusidan xohlagan taomingiz va salatlar sirlarini topishingiz mumkin marhamat!!!
YOQIMLI ISHTAHA!!!!

Керакли масаллиқлар:

товуқ оёғи (окорачка) — 4 дона

қуюқ сметана — 200 грамм

тухум — 7-8 дона

саримсоқ пиёз — 4 бўлакча

салат ёғи — 750 грамм

туз, зира, кашнич уруғи керак бўлади.

ТАЙЁРЛАШ УСУЛИ:

Товуқ оёғини ювиб, 0,5 — 1 соат намокоб сувга солиб қўйилади. Сўнгра сувдан олиб, тенг иккига бўлинади, чопқида суяклари синдирилади. Устига зираворлар, ун ва тухум сариғини суриб, ёғда қовурилади.

Сўнг тухум оқи кўпиртирилиб, сурилади ва яна ёғда қовурилади.

Тоза қозонга 0,5 — 1 чўмич ёғ солинади. Товуқ оёқлари бир қатор қилиб терилади. Ҳар бирининг ўртасига 1 ош қошиқ сметана солинади. Чеснок, зираворлар солиб, устма-уст тахланади. Қозоннинг четидан 2 — 2,5 коса сув солинади. Қопқоғини ёпиб, баланд оловга қўйилади. Сув қайнаб

чиққандан кейин, газ пасайтирилади.

Пастдан сал баланд оловда 40-45 дақиқа ёки узоғи билан 1 соат пиширилади. Бу таомни салат барги билан безашингиз мумкин.

“Nihol” mukofotining yangi laureatlari

very-ok — Fri, 22 Aug 2008 06:15:55 GMT

O‘zbekiston Respublikasi Prezidentining yosh iste’dodlar uchun ta’sis etilgan “Nihol” mukofoti tanlovining tashkiliy jarayonlari Nizomga muvofiq estrada san’ati, musiqa ijrochiligi, mumtoz qo‘shiq, opera ijrochiligi va raqs san’ati yo‘nalishlarida uch bosqichda o‘tkazildi.

Madaniyat va sport ishlari vazirligi hamda “Kamolot” yoshlar ijtimoiy harakati tomonidan o‘tkazilgan ushbu ko‘rik-tanlov mamlakatimizning barcha hudud va mintaqalarini qamrab oldi. Qoraqalpog‘iston Respublikasi, viloyatlar va Toshkent shahrining barcha tuman, shaharlarida bo‘lib o‘tgan birinchi bosqichda 8122 nafar ishtirokchi o‘z kuchini sinab ko‘rdi.

Tanlov keng jamoatchilik va tomoshabinlar ishtirokida o‘tdi. Qatnashchilarning iqtidori munosib baholandi hamda ular turli o‘rinlar va mukofotlarga sazovor bo‘lishdi. Ommaviy axborot vositalarida nomzodlar, ularning faoliyati va ijodi doimiy yoritib borildi.

Ikkinchi – viloyatlar bosqichida 881 nafar ishtirokchi bellashdi hamda ular orasidan 89 nafar nomzod respublika bosqichiga yo‘llanma oldi. Yakuniy – respublika bosqichi keskin ijodiy bellashuvlar asosida o‘tdi. Unda har bir viloyatdan 2 nafardan, Toshkent shahridan 4 nafar, jami 30 nafar yosh ijrochi “Nihol” mukofotiga nomzod sifatida ishtirok etdi.

Shu munosabat bilan 15 avgust kuni “Istiqlol” saroyida 15 nafar sovrindorga “Nihol” mukofoti tantanali ravishda topshirildi va laureatlar ishtirokida katta konsert dasturi namoyish etildi.

Prezidentimiz Islom Karimov rahnamoligida yurtimizda milliy san’atimiz va madaniyatimizni yanada rivojlantirish, xalqimiz ma’naviyatini yuksaltirishdek ezgu ishlarda navqiron iqtidor sohiblarini har tomonlama qo‘llab-quvvatlash, ularni yangi, yanada yuksak ijodiy cho‘qqilar sari rag‘batlantirishga alohida e’tibor qaratilmoqda.

O‘sib kelayotgan yosh avlodning iste’dodini har tomonlama kamol toptirish va madaniy saviyasini yuksaltirish, yoshlarimizning milliy va jahon musiqa san’atining yuksak namunalaridan bahramand bo‘lishi uchun zarur barcha sharoitlarni yaratish, iste’dod egalarini qo‘llab-quvvatlash, madaniyat, san’at, ta’lim, ilm-fan, sport kabi sohalarda tengdoshlariga ibrat bo‘layotgan yoshlarga mehr va e’tibor ko‘rsatish davlatimiz siyosatining muhim yo‘nalishiga aylangan. Yurtimizda o‘tkazilayotgan turli ko‘rik-tanlovlar, san’at anjumanlari, fan olimpiadalari, ko‘rgazmalar, vazirlik va idoralar, jamoat tashkilotlari tomonidan amalga oshirilayotgan ko‘plab ijodiy loyihalar ayni shu maqsadga xizmat qilmoqda. Bunday ezgu ishlar ko‘lami Yoshlar yilida tobora kengaymoqda.

Chorlov musiqasi yangrab, sahnaga “Nihol” mukofotining 2008 yildagi sovrindorlari kirib keladilar. Yurtboshimiz tashabbusi bilan ta’sis etilgan mazkur mukofot yosh iste’dod sohiblarini aniqlash, ularga har tomonlama madad bo‘lish, yangidan-yangi ijodiy parvozlar sari da’vat etishda zo‘r qanot bo‘lmoqda. Ushbu mukofot uchun o‘tkaziladigan tanlovda ishtirok etayotgan yigit-qizlar safining yil sayin kengayib borayotgani “Nihol”ning nufuzi tobora ortayotganidan dalolatdir. O‘zbekiston O‘smirlar simfonik orkestri jamoasi, Aziz Shohakimov, Muhabbat Qilicheva, Jenisbek Piyazov, Eleonora Kotlibulatova, Abdumalik Abduqayumov kabi “Nihol” mukofoti sohiblari respublika va xalqaro ko‘rik-tanlovlar, musiqa anjumanlari, festivallar va konsertlarda muvaffaqiyatli ishtirok etayotgani quvonarlidir.

Bu yil mazkur mukofotga musiqa san’atining turli yo‘nalishlari va xoreografiya bo‘yicha Gulmiraxon Abdulahatova, Ilyos Arabov, Shavkat Ergashev, Azamat Muhammadjonov, Behzod Abduraimov, Bunyod Saidov, Saida Saidbekova, Sirojiddin Fayziyev, Muhabbat Mehmonova, Ra’no Avazova, Sa’dulla Badalov, Oybek Alimov va Nigora Ismoilova, Dilnoza Shermatova, Rashid Xo‘jasov, Ziyoda Qobilova loyiq topildi. Marosimda “Nihol”ning yangi sovrindorlariga ushbu mukofotlar tantanali tarzda topshirildi.

– Iqtidorli yoshlar davlatimiz va jamiyatimiz e’tiborida, e’zozida ekanini har qadamda, o‘qishimiz, ijodiy izlanishlarimiz jarayonida his etib yashaymiz, – deydi “Nihol” mukofoti sohibi, qoraqalpog‘istonlik yosh xonanda Rashid Xo‘jasov. – O‘z navbatida Vatanimiz, xalqimiz bildirgan bunday yuksak ishonchga munosib bo‘lishni, uni o‘zimizning samarali izlanishlarimiz, ijodimiz, faolligimiz bilan oqlashga astoydil intilamiz.

Marosimda “Nihol” mukofoti sohiblari, san’at ustalari va ijrochi yoshlar ishtirokida konsert namoyish etildi.

Tadbirda O‘zbekiston Respublikasi Bosh vazirining o‘rinbosari R.Qosimov so‘zga chiqdi.

Go‘zallik bayramiga aylangan festival

very-ok — Fri, 22 Aug 2008 06:10:15 GMT

Poytaxtimizdagi Yoshlar ijod saroyida “Navqiron O‘zbekiston” respublika an’anaviy va zamonaviy san’at festivali davom etmoqda. “O‘zbekiston madaniyati va san’ati forumi” jamg‘armasi tomonidan O‘zbekiston Badiiy akademiyasi hamkorligida o‘tkazilayotgan ushbu festival ko‘pchilikda katta qiziqish uyg‘otmoqda.

Prezidentimiz Islom Karimov tashabbusi bilan hayotga keng tatbiq etilayotgan “Yoshlar yili” Davlat dasturida yosh iste’dod sohiblarini aniqlash, har tomonlama qo‘llab-quvvatlash, yangi ijodiy izlanishlar sari yo‘naltirish muhim vazifalardan biri sifatida belgilangan. Bu boradagi vazifalar ijrosini ta’minlashga vazirlik va idoralar bilan birga, jamoat tashkilotlari ham o‘z hissasini qo‘shib kelmoqda. “O‘zbekiston madaniyati va san’ati forumi” jamg‘armasi o‘tkazayotgan bir qator ibratli loyihalar, ko‘rik-tanlovlar, festivallar, konsertlar, badiiy ko‘rgazmalar, sport musobaqalari, ijtimoiy aksiyalar bunga misol bo‘la oladi.

Qator yillardan buyon an’anaviy tarzda o‘tkazib kelinayotgan va iqtidorli o‘g‘il-qizlarda tobora katta qiziqish uyg‘otayotgan “Navqiron O‘zbekiston” san’at festivalidan ko‘zlangan asosiy maqsad o‘sib kelayotgan yosh avlodning iste’dodini har tomonlama kamol toptirish va madaniy saviyasini yuksaltirish, yoshlarimizning milliy va jahon tasviriy san’ati namunalaridan keng bahramand bo‘lishi uchun zarur sharoit yaratishdan iboratdir. Ayni paytda ushbu tasviriy san’at bayrami sohada izlanayotgan iqtidorli yoshlarni aniqlash, rag‘batlantirish, ularning o‘zaro fikr va tajriba almashishini ta’minlash, yetakchi musavvirlar ijodidan bahramand bo‘lish, yurtimiz badiiy ta’limining yanada takomillashuviga o‘ziga xos tarzda hissa qo‘shish imkonini bermoqda. O‘tgan vaqt mobaynida mazkur festivalning turli nominatsiyalarida g‘olib bo‘lgan ishtirokchilar respublika va xalqaro miqyosdagi ko‘rgazmalarda, ko‘rik-tanlovlarda, san’at anjumanlarida, ko‘rgazma-yarmarkalarda muvaffaqiyatli qatnashmoqdalar.

“Navqiron O‘zbekiston-2008” festivali yorqin voqealar, rang-barang madaniy-ma’rifiy tadbirlarga boy bo‘layotgani bilan ahamiyatlidir. Yoshlarning o‘ziga xos san’at bayramiga aylanib ketgan ushbu tadbir doirasida rassomlar, san’atshunoslar ishtirokida mahorat saboqlari, yoshlar ijodiga bag‘ishlangan badiiy ko‘rgazmalar, ijodiy uchrashuvlar bo‘lib o‘tmoqda.

– 2006 yili “Kelajak ovozi” respublika iqtidorli yoshlar ko‘rik-tanlovida tasviriy va amaliy san’at yo‘nalishida g‘olib bo‘lgan edim, – deydi festival ishtirokchisi Bobur Dadamuhamedov. – O‘tgan yili “Style.Uz-2007” Dizayn va moda haftaligida muvaffaqiyatli qatnashdim. “Navqiron O‘zbekiston-2008” festivalida milliy zargarlikning an’anaviy va zamonaviy yo‘nalishidagi buyumlarim bilan ishtirok etmoqdaman. Yoshlar ijodini yanada ravnaq toptirishga xizmat qiluvchi bu festival o‘z miqyosi, mazmun-mohiyati bilan noyob ijodiy loyiha ekanini inobatga oladigan bo‘lsak, unda ishtirok etish ijodkorga yangi kuch-g‘ayrat, ilhom beradi.

Festivalning yana bir qatnashchisi – Kamoliddin Behzod nomidagi Milliy rassomlik va dizayn instituti talabasi Yekaterina Ivanova. O‘zbek milliy an’analari, qadriyatlarini, Vatanimiz obidalarini aks ettirish uning ijodida asosiy o‘rin tutadi.

– “Navqiron O‘zbekiston”da turkum tasviriy asarlarim bilan qatnashyapman, – deydi Yekaterina. – Jonajon Vatanimiz mustaqilligining 17 yilligi arafasida tashkil etilgan ushbu festival yurtimiz yoshlari hayotidagi yorqin va unutilmas voqealardandir. Ushbu tadbir har bir izlanuvchan yoshning o‘z orzusini ro‘yobga chiqarishi uchun yurtimizda barcha sharoitlar yaratilganini yana bir karra isbotlab turibdi. Festivalga taqdim etilgan asarlar bilan tanishib, yana bir bor bunga ishonch hosil qilish mumkin.

– Festival doirasidagi mahorat saboqlariga tengqurlarim bilan faol qatnashyapman, – deydi yosh rassom Nigora Sharofxo‘jayeva. – Bu tadbirlarning barchasi yoshlarga o‘z ijodiy salohiyati va qobiliyatini keng namoyish etish imkonini beradi. Hozir tasviriy san’atda zamonaviy yo‘nalish va oqimlar juda ko‘p. Festivalga taqdim etilgan ishlardan bu boradagi ko‘p jihatlarni o‘rgansa arziydi.

– Prezidentimiz Islom Karimov tashabbusi bilan yoshlar uchun barpo etilgan bunday muhtasham ijod saroyida o‘tayotgan ko‘rgazmadan naqqoshlik namunalarining ham keng o‘rin olishi bizni juda to‘lqinlantirib yubordi, – deydi yosh naqqosh Rahimjon Zohidov. – Festivalga taqdim etilgan ishlar, o‘tkazilayotgan mahorat saboqlari yangi ijodiy g‘oyalar, fikrlarning paydo bo‘lishiga katta turtki beradi.

Tadbir doirasida ijodiy anjumanlar, poytaxtimizda istiqlol yillarida barpo etilgan yangi inshootlarga sayohatlar tashkil etilishi ko‘zda tutilgan.

AKT – olimlarga ko‘makdosh

very-ok — Fri, 22 Aug 2008 06:07:51 GMT

O‘zbekiston aloqa va axborotlashtirish agentligi Ilmiy-texnik va marketing tadqiqotlari markazi hamda Rossiya davlat kutubxonasi hamkorligida amalga oshirilayotgan qo‘shma loyiha mamlakatimiz olimlariga tadqiqotlar o‘tkazish samaradorligini oshirish, rossiyalik hamkasblari bilan axborot almashinuvini kengaytirishga ko‘maklashadi.

Loyiha doirasida to‘liq matnli manbalar, kataloglar bilan almashish yo‘lga qo‘yildi hamda ularning elektron shakllari yaratilmoqda. Masalan, O‘zbekiston aloqa va axborotlashtirish agentligi markazining elektron kutubxonasidan rossiyalik o‘quvchilar mutaxassislarimizning aloqa va axborotlashtirish sohasidagi tadqiqotlari haqidagi ko‘plab ma’lumotlarni topishi mumkin.

O‘zbekistonlik olimlar esa Rossiya davlat kutubxonasidagi mavjud ilmiy ishlarning elektron kutubxonasidan foydalanish imkoniyatiga ega. Kutubxona fondi har yili ijtimoiy, tabiiy hamda texnik fanlar sohasidagi qariyb 30 mingta nomzodlik va doktorlik ilmiy ishlari bilan boyitilmoqda. Kutubxonada foydalanuvchilarning ishlarini tezlashtirish uchun qidiruv tizimi ulangan.

Hamkorlikdagi loyiha davlatimiz rahbari tashabbusi bilan mamlakatimizda amalga oshirilayotgan axborot – kutubxona resurslarini rivojlantirishga qaratilgandir. Bu borada eng zamonaviy axborot-kommunikatsiya texnologiyalari va dasturiy maxsulotlar keng qo‘llanilmoqda. Ularning aksariyati o‘z mutaxassislarimiz tomonidan yaratilgan bo‘lib, muqobili yo‘q.

Yaponiya – keksa yoshdagi aholi soni bo‘yicha dunyoda birinchi

very-ok — Fri, 22 Aug 2008 06:05:44 GMT

Yaponiya keksa yoshdagi aholi sonining ko‘pligi bo‘yicha dunyodagi o‘ttiz yetti mamlakat orasida birinchi o‘rinni egalladi. Ma’lumotlarga ko‘ra, mamlakatdagi qariyalar soni o‘ttiz millionni tashkil etadi, deb xabar beradi RATA-TASS.

Kunchiqar mamlakatda ayni vaqtda yoshi 65 dan yuqori bo‘lganlar aholining 20,1 foizini tashkil etadi. Mazkur ko‘rsatkich Italiyada 19,7 va Germaniyada 18,8 foizga teng.

Yaponiya Vazirlar mahkamasi tarqatgan ma’lumotlarga ko‘ra, 2000 yilda keksa yoshdagilar aholining 17 foizini tashkil qilgan. 2055 yilga borib bu ko‘rsatkich 40,5 foizdan oshishi kutilmoqda.

Hindistonning Mangaluru shahri yaqinida avtobus halokati sodir bo‘ldi

Hindistonning Mangaluru shahri yaqinida avtobus halokatidan o‘ndan ziyod kishi hayotdan ko‘z yumdi, yigirma kishi bedarak yo‘qoldi, deb xabar beradi RATA-TASS.

Mahalliy matbuotning yozishicha, maktab o‘quvchilarini olib qaytayotgan avtobus ko‘prikdan o‘tayotganda daryoga qulagan.

Politsiyachilarning so‘zlariga ko‘ra, halokatga kuchli yog‘ingarchilik sabab bo‘lgan. Qidiruv-qutqaruv ishlari davom etmoqda.

“Istiqlolning yosh ijodkorlari” mavzuidagi yoshlar media-forumi

very-ok — Fri, 22 Aug 2008 05:59:14 GMT

Poytaxtimizda “Yoshlar yili” Davlat dasturi doirasida “Istiqlolning yosh ijodkorlari” mavzuidagi yoshlar media-forumi bo‘lib o‘tdi.

Vatanimiz mustaqilligining 17 yilligiga bag‘ishlangan mazkur media-forum “Kelajak ovozi” yoshlar tashabbuslari markazi, O‘zbekiston Elektron ommaviy axborot vositalari milliy assotsiatsiyasi, O‘zbekiston Jurnalistlari ijodiy uyushmasi, O‘zbekiston yoshlarining “Kamolot” ijtimoiy harakati, BMTning Aholishunoslik jamg‘armasi – UNFPAning yurtimizdagi vakolatxonasi hamkorligida tashkil etildi.

Media-forumda O‘zbekiston Jurnalistlari ijodiy uyushmasi raisi SH.G‘ulomov, Respublika «Kelajak ovozi» yoshlar tashabbuslari markazi boshqaruvi raisi B.Sharopov, O‘zbekiston Elektron ommaviy axborot vositalari milliy assotsiatsiyasi boshqaruvi raisi F.Abduholiqov, Respublika ma’naviyat targ‘ibot markazi rahbari M.Hojimatov va boshqalar Prezidentimiz Islom Karimov rahnamoligida yangi jamiyat qurish jarayonida yoshlar kelajagiga, ta’lim-tarbiyasiga qaratilayotgan g‘amxo‘rlik o‘z samarasini berayotganini ta’kidladilar.

Yurtimizda milliy matbuot va ommaviy axborot vositalari faoliyatini yanada takomillashtirish va rivojlantirish, ularning moddiy-texnik bazasini mustahkamlash, jurnalist kadrlarning kasb va ijodiy salohiyatini yuksaltirish borasida keng ko‘lamli ishlar amalga oshirilmoqda. Ayni paytda Qoraqalpog‘iston Respublikasi va viloyatlardagi nodavlat teleradiostansiyalarda asosan iqtidorli yosh ijodkorlarning faoliyat ko‘rsatishi uchun barcha sharoit va imkoniyatlar yaratilgan. Yurtimizda keng ko‘lamda amalga oshirilayotgan ijtimoiy-iqtisodiy, madaniy-ma’rifiy, yoshlar siyosatiga oid sohalarni xolis, tezkor va haqqoniy tarzda yoritishda nodavlat teleradiostansiyalarining ham hissasi bor.

Hududiy nodavlat teleradiostansiyalar, «Kelajak ovozi» yoshlar tashabbuslari markazlarining yosh ijodkorlar stansiyalarida navqiron avlod hayotiga oid ko‘plab ko‘rsatuvlar va eshittirishlar tayyorlanmoqda. «O‘zbekiston madaniyati va san’ati forumi» jamg‘armasi, O‘zbekiston yoshlarining «Kamolot» ijtimoiy harakati, O‘zbekiston Elektron ommaviy axborot vositalari milliy assotsiatsiyasi hamkorligida hududiy telestansiyalarda yoshlar studiyalari tashkil etildi. «Erkin fikr» studiyasi qoshida ta’sis etilgan «Kelajak ovozi» gazetasi tobora ommalashib borayotir.

Media-forumda yoshlar studiyalarining joriy yilning birinchi yarmidagi faoliyati yakunlari atroflicha tahlil etildi. Ishtirokchilar tomonidan «Yoshlar yili» Davlat dasturi ijrosini yoritishda nodavlat teleradiostansiyalarning o‘rni, yoshlar studiyalari va hududiy telestansiyalarning hamkorligi istiqbollari muhokama qilindi, kelgusidagi rejalar belgilandi.

Forum doirasida nodavlat teleradiostansiyalar o‘rtasida o‘tkazilgan «Mustaqillik – eng ulug‘ ne’mat!» tanlovi g‘oliblari taqdirlandi. Birinchi o‘ringa Surxondaryoning «Ishonch-TV» telestansiyasi sazovor bo‘ldi, ikkinchi o‘ringa «Samarqand–STV» va «Marg‘ilon–TV» telestansiyalari, uchinchi o‘ringa Qo‘qonning «Muloqot – TV» stansiyasi loyiq topildi.

O‘zbekiston sportchisi – Olimpiada chempioni

very-ok — Fri, 22 Aug 2008 05:57:24 GMT

O‘zA, Zohir Toshxo‘jayev (Pekin), 21.08.2008 21:45

XXIX yozgi Olimpiada o‘yinlarida sportchilarimizdan Artur Taymazov erkin kurash bo‘yicha eng og‘ir – 120 kilogramm vazn toifasida barcha raqiblarini mag‘lubiyatga uchratib, ikkinchi marta Olimpiada o‘yinlari chempioni bo‘ldi.

Jahonning eng kuchli erkin kurashchilaridan hisoblangan A.Taymazov final uchrashuvida rossiyalik Baxtiyor Ahmedov bilan kuch sinashdi. 2000 yildan buyon Olimpiada o‘yinlarida uchinchi marotaba finalga chiqqan hamyurtimiz raqibini muddatidan oldin yengib, olimpiadachilarimiz hisobiga birinchi oltin medalni qo‘shdi.

Sidney Olimpiadasi kumush, Afina Olimpiadasining oltin medallari sohibi, ikki karra jahon chempioni, xalqaro toifadagi sport ustasi, 29 yoshli yurtdoshimiz A.Taymazov Pekin Olimpiadasining finaliga qadar ozarboyjonlik Yevropa chempionati sovrindori Ali Isayevni 3:1, kubalik Disney Rodrigesni 3:1, Olimpiada o‘yinlari va jahon chempioni David Musulbesni (Slovakiya) 3:0 hisobida mag‘lub etgan edi.

– Men bu gal ham xalqimizning ishonchini oqlab, Olimpiya oltin medalini qo‘lga kiritganimdan g‘oyat baxtiyorman, – dedi Artur Taymazov. – Bu g‘alabamni Vatanim – O‘zbekiston mustaqilligining 17 yilligiga bag‘ishlayman.

O‘zbekiston Respublikasi vakili A.Taymazovning Pekin Olimpiadasida erishgan yuksak g‘alabasi sharafiga davlatimiz bayrog‘i ko‘tarilib, madhiyamiz jarangladi.

Ayni paytda, o‘zbekistonlik taekvondochilar – Yevgeniya Karimova, Dmitriy Kim va Akmal Ergashev, kanoeda eshkak eshish bo‘yicha Osiyo chempioni Vadim Menkov yuqori o‘rinlar uchun kurashni davom ettirmoqda.

Ingliz tilini o`rganing

very-ok — Fri, 22 Aug 2008 05:48:31 GMT

Ingliz tili hozir judayam ommabop tilga aylangan.Agar ingliz tilini mukammalroq o`rganmoqchi bo`lsangiz unda forumimizga marhamat qiling.Forumda siz ingliz tilini bemalol o`rganishingiz,o`zingiz hoxlagan savollarga javob topishingiz,turli ingliz tili testlarini o`qishingiz va javob topishingiz mumkin.Sizni forumda kutamiz!!!!

Til bilgan-el bilar

Olimpiada PEKIN-2008.1-OLTIN G'ALABA MUBORAK.

very-ok — Fri, 22 Aug 2008 05:40:23 GMT

[size=9]XXIX yozgi Olimpiada o‘yinlarida sportchilarimizdan Artur Taymazov erkin kurash bo‘yicha eng og‘ir – 120 kilogramm vazn toifasida barcha raqiblarini mag‘lubiyatga uchratib, ikkinchi marta Olimpiada o‘yinlari chempioni bo‘ldi.

O‘zbekiston Respublikasi vakili A.Taymazovning Pekin Olimpiadasida erishgan yuksak g‘alabasi sharafiga davlatimiz bayrog‘i ko‘tarilib, madhiyamiz jarangladi.

Ayni paytda, o‘zbekistonlik taekvondochilar – Yevgeniya Karimova, va Akmal Ergashev, kanoeda eshkak eshish bo‘yicha Osiyo chempioni Vadim Menkov yuqori o‘rinlar uchun kurashni davom ettirmoqda.

Endi respublikamiz hisobida 1 ta oltin, 2 ta kumush va 3 bronza bor.[color=red]